Look North ApS Kalaallit Nunaanni Influencer Marketing pilersippaa.
Look North-ip inuit attaveqaqatigiittarfianni influencer-it aqqutigalugit pilerisaarineq aallartisarpaa. Sullitat pilerisaarineq sunniuteqarluartoq, tatiginartoq piviusorlu iluaqutigisinnaalerpaat.
Kalaallit Nunaanni pilerisaareriaatsimik maannamut takuneqariinngitsumik periarfissiivoq, pilerisaareriaaseq nunarsuarmi atugaallualereersoq. “Influencer-it aqqutigalugit pilerisaarineq Kalaallit Nunaanni nutaajuvoq, nunatsinnilu pitsaanerusumik oqaaseqaatigerusutat apuunnissaannut, pilerisaarinissamut malunnarsaarinissamullu periarfissagissaaqaluni” Look North-imi pilersitseqataasoq Mona Torp oqarpoq.
INFLUENCER MARKETING KALAALLIT NUNAANNI
Nunatta ataqatigiinnermut attaveqarfii internet-ikkullu pilerisaarinermi periarfissat tulluarluartuupput! Silarsuaavoq ulluinnarni naapissinnaanngisatta ‘naapissinnaaffiat’, illoqarfiit nunaqarfiillu akornanni aqquteqanngikkaluartoq.
Inuit attaveqaqatigiittarfii aqqutigalugit angusinnaasagut isiginnaartut tusarnaartullu annertunerujussuanngorput, allatigut angusinnaanngisarigaluagut.
”Influencer-it nunatsinneersut aqqutigalugit pilerisaarisinnaaneq neqeroorutigaarput. Sullitasi angorusutasilu kiinamik ilisarnartumik takunnisinnaapput, nunarsuarisaata assinganik nunarsuaqartuusut.” Mona nangippoq.
Look North-ip pilerisaarineq nunat akornannitulli qaffasissusilimmik siunertaqarpoq. Pilerisaariffissat pioreersunut ilassissamik pilersitsivoq suleqatigiuminartutut angusaqarluartutullu isigineqartussamik. Suliffeqarfik sullitat maanna siunissamilu pisariaqartitaanik naapitsisussaq.
Siunissami influencer-iusussat pilersillugillu pikkorissarnissaat suliniutaavoq, taamaasilluta nunatsinni pilerisaareriaasermik qaffaaqataassalluta – suliffeqarfinnut tamanut iluaqutaalluartussaq. Kalaallit Nunaattaaq internettikkut influencer-it kiinnallu nunatsinneersut aqqutigalugit imminut tarrarsorfigisinnaanissaminut periarfissamik pilersitsisuulluni.
“Aallartilluareerpugut, tanngassimaarutigeqaarpullu pilerisaareriaaseq nunatsinni nunarsuarmiillu sullitanut neqeroorutigisinnaalerlugu” Mona Torp naggasiivoq.
Paasisaqarnerorusukkuit
Mona Torp
+299 52 95 59
mona@looknorth.gl
aluu@looknorth.gl