Skip to content

Nittartakkat

Look North nittartagalerani suut ilaareerpat?

Nittartakkap pilersinnerani program-i atortoq atoruminartoq atugarisuuarput, taamaasillutit nammineq ajornanngitsumik sukkasuumillu imarisaanik nutarterileruit suleriaannaassaatit attavigeqqaarnata pituttugaanallu. 

Nittartagaq skærm-i atukkamut nammineq tulluarsarsinnaassaaq, mobil-imit tablet-imit qarasaasiamilluunniit alakkarneqaraluarpat kusanartumik isigiuminartumillu naammassisaalluni. 

Suliap aallartinnginnerani isumaqatigiissusioqqaassaagut, suliap naammassinerani piumasatit naapinneqarluarsinnaaniassammata. Isumaqatigiissut paasiuminartumi suliaq, akeq saqqummiussiffissarlu erseqqissumik inissinneqaqqaassapput. 

Nittartagaq akuerseqqaartinnak saqqummiunnavianngilarput. Nittartakkamik pilersitsinermi marisaaniit isikkuanut nammineq aaliangiisinnaavugut, suliarlu naammassisaq immikkuullarissaaq suliffeqarfissinnullu tulluartuussalluni. 

Kissaataappat nittartagaq arlalinnik oqaaseqartillugu suliarisinnaavarput. 

Ilitsersuummik pissaatit, siunissami nammineerlutit nittartagarsi allannguiffigisinnaaniassagakku nutarterlugulu. 

Nittartagalerinermi ukua aamma sullisinerivagut:

Landing page

Pilerisaarilerpit, pisussamik pilersaarusiorpit allarluinnarmulluunniit tulluarsakkamik quppernermik atorfissaqartitaqarpit? Taava Look North quppernermik kusanarluinnartumik, tulluarsakkamik suliarilluakkamillu sullissisinnaavoq. Saaffigisatit quppernermut suliarilluakkamut innersuutikkit oqariartuutillu tunisassialluunniit takulluarneqarnissaa qulakkeerlugu.

Nutarterineq

Nittartagatoqqat nutarternialerpiuk? Nittartakkamik nutarterilernermi imarisat, isikkua, pisinnaasat periarfissallu qimerloorluarnissaanut piffissatsialaavoq taakkunanilu tamani sullissisuusinnaavugut. Imarisaata misissorneranit nittartagassap suliarinissaanut piginnaasaqarluarpugut, siunnersuineq, pilersaarusiorneq aammalu suliarinninnerussappat suleqatissatsialaavugut.

Suliniut nittartagaq

Qitiusumik pikkoriffigisatta ilarivaat suliniummik aqutitsineq. Nittartagartaarniarlunillu suliniummi isuassarsiamiit nittartakkap naammassinissaata tungaanut sullissisinnaavugut. Sulinitsinni suliniutip aqunnerani akisussaaffik tigussavarput imarisaaniit isikkussaanut, nittartakkamit anguniakkasi naapinneqarluarnissaat qulakkiiutigalugu.

Saqqummiussineq

Nittartakkamik nutaarluinnarmik kusanavissumillu peqaleruit takuneqassaaq taava! Look North saqqummiussinermi sullissisinnaavoq - internettikkut soorunami! Nittartakkat tamarmik assigiinngitsuupput saqqummiussinissarlu nittartagarisannut tulluarsarneqassaaq, suliffeqarfivit inuit attaveqaqatigiittarfiani qupperneraniissappat influencer-iutittaluunniit qupperneraniussappat.

Kaffisoqatigiilluta naapeqqaarta, taamaasilluta nittartakkami sunarpiaq atorfissaqartitarinerit paasiniassavarput.

Tusarfiginissat qilanaaraarput!