Influencer marketing influencer-it aqqutigalugit pilerisaarineruvoq, suliffeqarfittut tunisassiaatit oqariartuulluunniit influencer-it aqqutigalugut pilerisaarineq ingerlanneqarluni.
Influencer-eq inuit attaveqaqatigiittarfianni malinnaasorpassuaqarpoq sunniisinnaalluartuullunilu. Malinnaasut assigiinngitsorpassuupput, inuusuttuniit ukioqqortunernut assigiinngitsorpassuarnillu soqutigisallit. Malinnaasut nuannarisatik malillugit influencereq malinniarlugu nammineq aaliangersimavaat soqutiginnillutillu ulluinnarni malinnaasuullutik.
Influencer-it aqqutigalugit pilerisaarineq pilerisaarinernit naliginnaasunit inuppalaarneruvoq, pilerisaarinerlu innersuussineruvoq assersuutigalugu TV-mi pilerisaarutinit.
QANOQ PISARPA?
Pilerisaarineq inuit attaveqaqatigiittarfianni ingerlanneqarnerusarpoq influencer-ip profil-iani. Attaveqaqatigiittarfiit arlalinni ingerlanneqarsinnaasarpoq, suliffeqarfiullu pilerisaarisussap atorfissaqartitaanut tulluarsarluarsinnaalluni. Assersuutigalugu Instagram-ikkoorsinnaavoq, Facebook-kkut, Youtube-kkut, Tik Tok-ikkut allamiluunniit tulluartumi. Influencer-ip nittartagaani aamma ingerlalluarneqarsinnaavoq.
Influencer-eq malinnaasorpassuaminut toqqaannartumik aqquteqarpoq. Innersuussutaat oqaaserisartagaallu pilerisaarinermit naliginnaasumit uppernassuseqarnerupput, taamaammallu influencer-it aqqutigalugit pilerisaarinermi angusat pitsaanerusinnaallutik.
Influencer marketing atornerani eqqorusutat eqqornissaat eqqumaffissaavoq. Look North-ilu aqqutigalugu influencer-it arlalippassuit aqqutigalugit malinnaasui toqqaannaq eqqorlugit pilerisaarisinnaalissaatit. Aqqut taanna atorlugu pilerisaariguit nammineq quppernerisanni malinnaasut sinnerujussuarlugit allallu pisisussat toqqaannartumik pilerisaariffigilersinnaavatit.
SOOQ INFLUENCERIT AQQUTIGALUGIT PILERISAARISSAVIT?
Influener marketing pilerisaareriaasiuvoq tunisassiaq oqariartuutilluunniit siammarternissaanut influencerit aqqutigalugit periuseq.
Pilerisaareriaaseq uppernartoq, paasissutisseeriaaseq piviusoq – atuisumut eqqorusutamulluunniit toqqaannaq pisoq.
Influencer marketing atorlugu toqqaannartumik sukkasuumillu malinnaasunit pilerisaarinerup sunniutaanik malugisaqassaatit, paasissutissanillu uuttortarneqarsinnaasunik pissarsissallutit – paasissutissat suliffeqarfinnut ukununnga iluaqutaalluartussat:
- Tunisaqarneq annertuneruneq
- Tunisinissamut periarfissat amerlanerit
- Pilerisaarineq uppernartoq innersuussinerusoq
- Atuisunut toqqaannartumik pilerisaarineq
- Saaffigisinnaasat nutaat allani saaffigiuminaassinnaasut
- Pilerisaarinermi influencer-init toqqaannartumik sunniutinik malugisaqarneq
Inummiit inummut unnersiorneq uppernarneruvoq pilerisaarutinit naliginnarniit. Kammalaatit, suleqatit, affarlit nalunngisalluunniit innersuussippat tatiginerusarpat suliffeqarfimmiit nalunaarut assinga tusarneraniit. Taannarpiarlu influencer-it aqqutigalugit pilerisaarinermi atortussatsialaavoq periarfissaallunilu.
Atuisorpassuit ullutsinni pilerisaarutinut tappiillinikuupput. Pilerisaarut takugaluarlugu oqariartuut tuniniagarluunniit maluginera minnerulernikuulluni. Influencer-it aqqutigalugit pilerisaarinermi unittoorutaasinnaasoq taannarpiaq qaangissavat saaffigerusutatillu toqqaannartumik saaffigisinnaallugit.
KINA INFLUENCER-IT AQQUTIGALUGIT PILERISAARISINNAAVA?
Akissut naatsoq: KINALUUNNIIT!
Suliffeqarfiit namminersortut oqartussalluunniit, assigiimmik Look North suleqatiginerani iluatitsilluarsinnaapput. Soqutiginnippit? Attavigitigut!