Nancy vid Stein
Ania vid Stein – ilinniartoq, arsallammak anaanarlu.
Ataani Nancy pillugu paasisaqarnerugit:
Ilisarititsineq
Nancy vid Stein 28-nik ukioqarpoq, marlunnik meeralik. Nukarleq marlunnik ukioqarpoq angajullerlu sisamanik ukioqarluni, ilaqutariiuppullu sisamaasut Nuummi najugallit.
Nancy Greenland Business School-imi Akademi Uddannelse ingerlappaa, International handel og markedsføring linje-ralugu.
Nancy timersornermik nuannarisaqarluartuuvoq GUX-milu idrætslinie ingerlannikuuaa taassumalu kingorna Vejle-mi idrætshøjskole-mi ilinniaqqinnikuulluni. Vejlemut atuariartorami ilaquttani qimattussaagaluarlugit qujamasuppoq aallussimagamiuk, pissarsiaqassutigeqaami timersornerlu aallulluarsinnaasimallugu.
Arsarneq, ilaqutariinneq, misigisassarsiorneq kaagiliornerlu
Nancy timersorneq nuannarilluarpaa, aallussinnaatillugulu aalluttuarlugu. Sisimiuni najugaqarallarami S-68-ini arsartarsimavoq GM-mimilu 3-nngoqataanikuulluni. Nuummut nooreernermini B67-ni arsartalersimavoq, maannalu futsal-imi bruttolandshold-inut toqqagaanikuuulluni.
Ilinniartuulluni, meeraqarluni arsarnerlu aallullugu Nancy ulapporissuuvoq. Ilaqutariiunertik, aammalumi meeqqami aallussinissaat pingaartittuuaa, taamaammallu soqutigisamini meeqqani aamma ilanngullugillu peqataatittarpai. Timersorluartartillunilu aamma malugisinnaalluarlugu nukissaqarnerulertarluni, soorlu meeqqaminut ilaquttaminullu.
Nancy misigisassarsiorneq nuannarilluartuuaa ammaffigeqalugulu. Immineq killerisat qaangerneri tunuarsimaarfiginagit misigisassarsiortarpoq, tamannalu tunngavigalugu pingasoriarluni ACR-mi peqataanikuullunilu snowboard aallunnikuullugu.
Kaagiliorneq nuannarisuuaa pikkoriffigeqalugulu, Sweets by Nancy Facebook-imi qupperneq immaqa takunikuusimassavat, tassani kaagit kusanavissut mamarunartullu sanaavi takuneqarsinnaapput.
Nancy inuttut ammasuuvoq, tunuarsimaartuunngitsoq, oqaloqatigiuminartoq qungujulasorlu. Kikkut tamarmik Nancy-mi inissaqartarput, tamannalu malunnartarpoq naapisimaarnerani.
Pikkoriffii:
- Timersorneq
- Ataqqinninneq
- Imminut unammillerneq
- Nuannisarneq
- Assiliineq
- Atuarnerup aallulluarnissaa
- Oqaqqissaarisarneq
- Illarumatooq
- Torertuuneq
- Paarilluarneq
- Anaanaalluarneq
- Pilerisaarineq
- Inuit attaveqaqatigiittarfiani siammarterineq
- Imminut piumaffigisaqarneq
- Anguniakkat anguniarneri piviusunngortinnerilu
Facebook, Instagram aamma TikTok
Nancy piffiit ilaanni meeqqatik kisermaattarpai, taamaammallu atuarnermi saniatigut sulisinnaanani. Taamaammat inuit attaveqaqatigiittarfi atorluartalersimavai, nuannarineqarluartunillu siammarterisarluni.
Nancy Facebook-imi, Instagram-imi aammalu TikTok-imi malinnaavigineqarsinnaavoq piffissallu annerpaartaa TikTok atortarlugu, tassanimi malinnaasoqarnerpaavoq siammarteriffigisartakkamini. Live-llattaasarpoq, isiginnaartartut malinnaasullu amerligaluttuinnarlutik. Live-raangami annerusumik pilersaarutaaneq ajorpoq sunarpiaq eqqartussaneraa, nuannarisaramiummi malinnaasuni peqatigalugit livernissaq, taamaammat isiginnaartut malinnaasullu allataat tunngaviukkajunnerusarput nuannarineqarluarlutillu.
Pilerisaarinissavit, siammarterinissavilluunniit tullia Nancyp quppernerani pissava? Malinnaasui angorusuppigit? Qupperneri alakkakkit pilerisaarinissavillu tullia sumiissinnaanersoq isumassarsivigalugu:
Nancyp siammartigassat siammartissavaa?
Pilerisaarinermi pilersaarusiorpit Nancymut tulluarluarsinnaasunik?
Soqutiginnippit tusagaqarusunneruillu? Taava attavigitigut!
