Anika Brandt

Anika Brandt – anaanaq eqiingasoq, timimik atuinermik nuannarisalik, imminut unammillernissaminut nuannarisalik pinngortitamillu nuannarisaqarluartoq.

Quppernermi maani Anika pillugu paasisaqarnerugit:

Ilisarititsineq

Anika anaanaavoq eqiingasoq timersornermik nuannarisalik pingasunik meeralik. Nuummi inunngorpoq peroriartorlunilu. Anikap pinngortitaq pinngortitallu tunniussai nuannarilluartuuai. Inuuvoq arlalippassuarnik ataatsikkut suliaqarsinnaasoq, imminullu unammillernissamik nuannarisaqarluartoq.

Anika pilerisaarinermik aallussinissamut nuannarisaqarlunilu pikkoriffigisuuaa, tassani ilaalluni paasissutissat attaveqarfissanut assigiinngitsunut tunniunnissai eqqarsaatigiitigalugu attaveqaqatigiiffinni sorlerni. Tamanna aamma tunngavigalugu Facebook-imi Instagram-imilu quppernini pilersippai.

Anika pinngortitaannaanngitsoq piujuartitsinissarli aamma pingaartittuuaa. Nunatsinnit nerisassat atorluarnissaat eqqumaffigisuuaa ukiunilu arfinilinni neqit nunatsinneersut kisiisa nerisimallugit, amerlanerit nammineq piniakkani. Pinngortitamiinnissaq timersornerlu nuannarisuullugit ACR, Nuukkap KangNu assigisaallu peqataaffigissallugit nuannareqai.

Tunniusimasoq, timersornermik nuannarisalik

Anika inuttut tunniusimasuuvoq, nutaanik pilersitsisinnaasoq oqaluukkuminarlunilu saaffigiuminartoq. Inuttut sulianullu tunngasuni ineriartornissaq ammaffigisuuaa nuannaralugulu. Ilaquttani pingaartitarisuuai meeqqanilu tamanit salliuttuaannarlugit.

Timersorneq Anikap inuunerani ilaajuaannarnikuuvoq. Arfineq pingasunik ukioqarluni ujakkaarneq ilikkarpaa, meeraani inuusuttuuninilu tamaat ataatanilu ujakkaartarsimallutik. Anika unamminerpassuarni peqataanikuuvoq, anaananngornermilu kingorna sunngiffimmi sammisarilernikuuaa. Ullut tamangajaasa timersortuuvoq, aamma naartunermi nalaani. Arpattarluni, crossfit-ertarluni ujakkaartarluninilu, aamma naartugaluarluni. Naartoreernermi sungiusagaaneq aalluttarpaa pisinnaasani angoqqikkusullugit.

Anikap soqutigisai:

Iffiorneq iganerlu
Anikap igaffimmiinneq nuannareqaa. Mamassutsit aallunneri nutaaliornerlu piffissamik atuiffigissallugit nuannarisaralugit.

Peqqissumik inuuneq
Nerisassat peqqinnartut inuussutissaqarluartullu nerinermi peqqissutut iluarisimaarluni misigisarpoq. Pingaartittuuaalu ulluinnarni timip aalatinnissaa, timersorneruppat ilaquttalluunniit pinngortitameeqatigalugit.

Timersorneq
Ujakkaarneq ulluni makkunani pimoorullugu aalluppaa GM-imi peqataasussaagami. Crossfit saniatigut aamma aalluppaa, arpallunilu nunami angalasarluni.

Pinngortitamiinneq
Ilaquttani peqatigalugit pinngortitamiingaatsiartarpoq, aasaanerani ukiakkullu. Nerisassat, neqit, aalisakkat paarnallu piniarlugillu katersortarlugit.

Piniarneq
Ilaqutaani angutertamisulli piniarnermik nuannarisaqartuuvoq. Sualummik tuttut aqissillu piniarnissai, timinimi atorluassagamiuk.

Inoqatit isummersornissai
Siunnersuineq nuannareqaa. Nerisassat, timersorneq, naartuneq, atortut, pequsersuineq pilerisaarineq assigisaallu pillugit.

Pequsersuineq
Pequsersuineq, pinnersaaneq taakkunanilu isumassarsiorneq soqutigisarisuuaa tassungalu atatillugu Arnanut 2019-miit 2021-mut ilanngutassianik allattarsimalluni.

Anikap pikkoriffii:

Imminut unammillerneq
Timersorneq
Tunngavimminut aalajaanneq
Pequsersuineq
Nutaanik pilersitsineq
Akuersaartuuneq
Inuunermik atorluaaneq
Isummersuineq
Pilerisaarineq
Aaliangiusimaneq
Paasissutissiineq
Pinngortitamit aallerneq
Meeqqanik pingaartitsineq
Kammalaatit ilaginissai
Inuttut ineriartorneq
Nerisassani nutaaliorneq
Piniarneq imminullu pilersorneq

Piffissap sivikitsup iluani malinnaasoqarlualerneq

Tuniniaanissamik suliniutinik nuannarisaqarluarnini tunngavigalugu inuit attaveqaqatigiittarfiani quppernini pilersinnikuuai, qaammatillu pingasuinnaat iluani 3.000-nik malinnaasoqalerluni. Malinnaasui soqutiginnittuupput tunniusimasuullutik, isummersorfigitinnernik nuannarisuullugu siammartikkat timersornermut nerisassiornermulluunniit tunngappata.

Anika ukiuni 13-ni atisaarniarfiit iluanni misilittagaqarpoq, taamaammallu nutaalianik maluginninniarnermut pilerisaarinissamullu pikkorittuulluni. Isummersuineq siunnersuinerlu nuannarisuugamigit inuit attaveqaqatigiittarfianni Facebook-imi aamma Instagram-imi aalluttarpai.

Qupperneri alakkakkit pilerisaarinissavillu tullia sumiissinnaanersoq isumassarsivigalugu:

Anikap siammartigassat siammartissavaa?

Pilerisaarinermi pilersaarusiorpit Anikamut tulluarluarsinnaasunik?