Aka Niviâna
Aka Niviâna – eqqumiitsuliortoq isiginnaartitsisartorlu nutaanik pilersitsilluarsinnaasoq ulluni makkunani filmiliortuni isiginnaartitsisutut immiussisoq.
Quppenermi maani Aka Niviâna paasisaqarfiginerujuk:
Ilisarititsineq
Aka Niviâna Upernavimmi inunngorpoq Nuummilu najugaqarluni.
Aka Niviâna allannermik nuannarisaqartuuvoq, 2019-milu Climate Outreach-imiit “Climate Communicator or the Year”-mik nersornaaserneqarluni. Allannerup saniatigut taalliorneq aamma soqutigisarilluinnarpaa aallullugulu.
Silap pissusaata saniatigut Aka Niviâna ukua aamma soqutigisarisuuai: imminut toquttarnerup pinaveersaartinnissaa, inuusuttut atugarissaarnerat, attaveqaqatigiinneq filmillu silarsuaa. Ulluni makkunani filmiliornermi annertuumi isiginnaartitsisutut peqataavoq.
Aka Niviânap qanorpiaq attaveqaqatigiinnitta apeqquserlugulu samminissaa pikkoriffigisuuaa, nipigissumillu pissutsit allatut ingerlassinnaannginnerigut apeqqutigisuullugu.
Aka Niviânap iluatsitsinerit/ingerlalluarnerit saqqummiullugillu eqqartugaanissai pingaartitarisuuaa, soorluttaaq tapersersoqatigiinneq imminullu nukkassaqatigiinneq pingaartitarisuugaa.
Aka Niviâna Instagram-imi malinnaasoqarluarpoq, inuit attaveqaqatigiittarfiani sumiiffigissallugu nuannarinerpaasaa. Instagram-imi silap pissusaaniit inuusuttut atugarissaarneranut siammarterisuuvoq. Unneqqarissumik ulluinnarminiit soqutigisanilu pillugit siammarterisuulluni.
Filmiliorneq, isiginnaartitsineq, eqqumiitsuliat, nipilersuutit, inuit pisinnaatitaaffii imminullu paarineq sammisaapputtaaq soqutigisarisai siammartertagaalu.
Sammisat soqutigisani nutaaliortumik nipigissumillu eqqartortarpai, oqaloqatigiinnissamullu kaammattuisuulluni. Sammisat eqqartoruminaassinnaasut ataqqinnittumik oqaloqatigiinnermillu tunngaveqartumik siammartertarpai malinnaaffigalugu nuanneqisumik. Assinganittaaq tusagassiortunit apersorneqarnissaminut qununani saqqummertarpoq Trump nunarput pisiarerusunneraa nunasiaataanerluunniit eqqartorneqaraluarpat pikkorissumik oqalliseqataasarlunilu isummersortuuvoq.
Inuttut inuiaqatigiittullu qanoq pitsanngornissarput eqqarsaatigilluartarpaa, assinganillu apeqqut “pissutsit pitsaanerusumik ingerlassinnaavagut?” eqqarsaatigisuullugu.
Soqutigisai:
- Erinarsorneq
- Qitik
- Isiginnaartitsineq
- Oqallinneq
- Allanneq
- Gymnastikki
- Paasissutissiineq
- Eqqumiitsuliat
- Nujat
- Pinnersaatit
- Oqariartuutit nuannersut
Pikkoriffii:
- Oqallinneq
- Allanneq
- Taalliorneq
- Isiginnaartitsineq
- Paasissutissiineq
- Tapersersuineq
- Kaammattuineq
- Kammalaatit nuannisaqatigineri
- Apeqqusiineq
- Eqqarsarneq
- Nutaanik pilersitsisinnaaneq
Nutaanik pilersitsisinnaasut nunallu assigiinngitsut
Aka Niviâna Instagram-imi nunarsuarmi nunarpassuarnit malinneqarpoq. Saqqummertarnerminit, FN-imiissimaneranit nutaanillu pilersitsisartut akornannit malinneqarluartuuvoq.
Filmiliortartuniit eqqumiitsuliortunut, isummanik siaruarterinianiit nunanilu allaneersunit nuannarineqarluni malinnaasoqarpoq. Instagram-imi quppernera alakkaruk pilerisaariffigissallugu oqariartuutivilluunniit sumi siammartersinnaaneranik isumassarsillutit:
Aka Niviâna siammartigassat siammartissavaa?
Pilerisaarinermi pilersaarusiorput Aka Niviânamut tulluartumik?
Soqutiginnippit tusagaqarusunnerullutillu? Taava attavigitigut!
