Sapaatip akunnera kingulleq Look North-ip Greenland Business School-imi ilinniartut AU IHM 3-4-mi atuartullu suleqatigiinnerat naammassilluarpoq. Suliaqaqatigiinneq sapaatip akunnerini marlunni ingerlavoq, atuartut atuagaat suliffeqarfitsinnil suleriuseq akulerullugit aallussigatta. Suleqatigiinneq pilerisaarinissamut pilersaarummik kinguneqarpoq tulluusimaarutigisinnaalluagaannik.
Angorusutat, anguniakkat, suliniutit uuttornissaat, oqariartuutissap pilersinnera, siammarteriffissat, siammarterinissat, piffissaq aaliangiussaq pilersaarullu tassaapput sammisatta ilaat. Ilinniartut aperisarnissaannut inissaqarluarsimavoq, atuagarisaanni atuarnissaq aamma, kiisalu ilinniartut namminneq pilersaarummi siammarternissaannut misilittaanissaminnut inissaqarsimalluni aamma.
Suleqatigiinneq Look North-imuttaaq pissarsiaqarnarsimaqaaq. Paasisaqarusunnerat, ulluinnarni eqqarsaatigineq ajukkat apeqquteqarfigineri, nutaaliorusussuseqarnerat, ilinniakkaminni atuakkamit sammisaqarneq ilinniartullu pisinnaasaat tunniussinerallu aamma pissarsiaqarnarluarsimallutik.
Ilinniartut sullarissimaqaat, pilersitserusussuseqarnerat sunniilluarluni suliassamillu paasinnilluarlutik aallussinerat GBS-ip tulluusimaarutigisinnaalluarpaa!