OSCARS 2023
Look North-mi influenceritta ilaat Paninnguaq ukioq manna Oscars agguaanneqarnissaani ilaalerpoq. Oscarit tunniunneqarnissaat 95-issaa pilerpoq, Paninnguullu pania Mila isiginnaagassiaq naatsuliami “Ivalu”-mi peqataasuuvoq. Isiginnaagassiaq naatsuliaq Naatsuliani Pitsaanerpaamut innersuunneqarpoq.
Takuneqarnissamut periarfissatsialak
Oscarit nunarsuarmi nersornaasiinerni pingaarnerpaat ilaattut isigineqarpoq nunanilu 200-t sinnerlugit aallakaatinneqartarluni. Taakku saniatigut nutaarsiassani ilanngutassiani inuillu attaveqaqatigiittarfianni eqqartugaalluartarlutik – takuneqarnissamullu periarfissatsialaallutik!
Paninnguaq quppernerani malinnaasorpassuaqarpoq, siammarterisarnerani kaammattueqataasut nuannaaqataasullu – soqutiginninnerlu annertoqaaq ingammik hollywood-iliartussaanerat pilermat. Tassanilu takuneqarnissamut periarfissatsialak pilerpoq! Suliffeqarfiit, tunisassiatit oqariartuutilluunniit siammarterinerni ilaassava? Taava attavigitigut! Nunatsinniit hollywood-mi pisut annersaasa ilaanni qanoq akulikitsigisumik oqarsinnaavugut ilaassalluta?
Kaammattueqatigiinneq pikkorfiffigaarput
Inuiaqatigiitsinni arlarput angusaqarluaraangat nunarsuarmilu peqataagaangat kaammattuillaqqissuuvugut – tamannalu aamma malunnarlualereerpoq Paninnguup siammarteriffigisartagaani. Malinnaarrappugut, kaammattuivugut, ajunngitsumik angusaqarluaqqusivugut, oqalliseqataavugut siammartereqataallutalu. Nuannequtitta ilaat, taamatut ataatsimoorluni kaammattueqatigiinneq. Paninnguup inuit attaveqaqatigiittarfiani quppernerini malinnaarusukkuit aajukua:
Instagram: @pa.nin.ngu.aq
TikTok: pa.nin.ngu.aq
Maanngaanniit malinnaallutalu kaammattuingaassaagut!