2023 Look North-imut pikkunavillunilu qujamasunnaqaaq 💫 Ukioq pereersoq oqaasertalissagaanni oqaaseq taanna tassaavoq: alliartorneq. Ukioq alliartorfik sullitat, suliassat ilisimasallu iluanni . tamannalu qujamasuutigeqaarput!
2023 tassaavoq ukioq Kalaallit Nunaat Influencerit aqqutigalugit pilerisaarineq eqqumaffigilerlugulu atorlualermassuk. Piareersarsimanerit tamavimmik 2023-mi akilerput, tamannalu nuannerluinnarlunilu qujamasunnaqaaq. Inuit attaveqaqatigiittarfianni Parisimi isumaqatigiissut kiisalu kajumissutsimik sulineq pillugu eqqartuititsilerpugut influencerigut pilersitsisinnaalluartut pikkorissullu aqqutigalugit. Pisinniarfik nittarsaapparput, kajumissutsimillu suliaqartut aningaasanik katersisut ikiorlutigit. Influencerigut pikkoreqisut malinnaasorpassuaminnut nunatsinni nunarsuarmiittunullu malinnaavigiumaneqarluartunik siammarterisimapput eqqartuititsilerlutillu. Look North-imit qujamasulluinnarpugut taamak sullissinerput tiguneqarluartigimmat! Una toorlugu Influencer Marketing pillugu paasisaqarnerugit.
Sullissinerput Influencer Marketing kisiartapajaatut eqqartugarigaluarlugu Nittarsaaneq Attaveqaqatigiinnerullu iluani sullissinitsinnittaaq aamma alliartorpugut, sullitagummi tassani amerleriarputtaaq 2023-mi. Sullitatsinnut quppernernik LinkedIn-imi Instagram-imilu qupperniliuuppagut, nuannarineqarluartunik siammarterissuppagut malinnaasuni, angusinnaasani malinnaasullu qisuariartarnerini aamma sullitatta quppernerini alliartortitsilluta.
Septembarimi pilersitsisoq Mona Influencer Marketing pillugu aaqqissuussamut peqataajartorpoq, tassanilu aamma ilisimasat alliartortinneqarlutillu attaveqarfiit aamma alliartorlutik. Peqataasorpassuimmi tusarsimavaat Kalaallit Nunaanni Influencer Marketing pilersinneqarsimasoq, tamannalu assut soqutigineqarluni. Taamaasilluni ilisimasagut kisimik allinngillat, nunattali eqqartorneqarnera aamma.
2023 pissanganarluinnartumik aallartereerpoq. Sullissimasat uteqqipput pilerisaarinerillu nuannerunarluinnartut pilersinnissaanut suliniutit aallartereerlutik! Influencerit nutaat pikkoreqisut aamma soqutiginnipput, tamarmik oqariartuutivit tunisassiavilluunniit siammarternissaanut piereeqqasut – saaffigitigut soqutiginnikkuit paasisaqarusunnerullutillu. Tamassi ukiortaami pilluaritsi 💫