Ukaleq Slettemark
Ukaleq Slettemark – sisoraaserluni ooqattaasarnermi piginnaaneqarluartuuvoq, piujuartitsinermik soqutigisalik timersornerup iluani maligassiuilluartoq nunatsinnilu pinngortitamik nuannarinnilluartoq. Ukaleq pillugu quppernermi maani paasisaqarnerugit:
Ilisarititsineq
Ukaleq Astri Slettemark sisorartartuuvoq nunatsinneersoq sisoraaserluni ooqattaasarnermik nuannarisaqarluartoq.
2019-mi kalaallini siullersaalluni nunarsuarmi pissartanngorpoq 2022-milu OL-imi peqataalluni nunatsinneersunit peqataanikuni aappaattut. Tassanilu peqataasuni marluinnarni aappaattut uniornani. Ukaleq nunarsuarmi pikkorinnerpaanngornissani anguniagarivaa.
Ukaleq Nuummi inunngorlunilu peroriartorpoq. Maanna Norgemi najugaqarpoq sungiusarnissamut periarfissat pitsaanerummata.
Pinngortitaq, piujuartitsineq isummersuinerlu
Ukaleq Nuummi pinngortitami kusanaqisumi peroriartorpoq. Pinngortitap eqqissisimanermik tunisarpaa. Pinngortitami peroriartorsimanerup kinguneraa Ukaleq piujuartitsineq pillugu pingaartitsilersimanera. Tamannalu inuit attaveqaqatigiittarfiani malinnaaffigigaanni aamma ersarippoq. Piujuartitsineq eqqumaffigalugulu pingaartitarigaa nerisaaniit atisat suut atornerani takuneqarsinnaalluarpoq.
Sisoraaserluni ooqattaasarnermik nuannarinnerujussuarnera aallussineralu neriuutigaa isummersuutaalluarsinnaassasoq, sualummillu inuusuttunut timersornerulernissamut isumassaqalersitsisinnaanera neriuutigalugu, sisorarneruppat allarluinnaappalluunniit. Nunamit sisoraaserluni ooqattaasarnermik periuseqanngitsumeerluni taamalu angusarissaarluarsinnaanerata takutippaa anguniagaqarluni tunniusimalluarnerup soqutigisat iluanni annertuumik angusaqarsinnaaneq.
Ukaleq pillugu
- TV serie nuannarinerpaasaa: Fleabag
- Atuagaq nuannarinerpaasaa: The Perks of Being a Wallflower – Stephen Chbosky
- Erinarsuut nuannarinerpaasaa: Cigarette Daydreams – Cage The Elephant
- Nerisassat mamarinerpaasai: Puisi suaasat
- Iluataatigisartagaa: sukkulaaq taartoq
- Oqaatsit: norsk, qallunaatut, tuluttut aammalu tyskisut. Oqaatsit ilinniagai: kalaallisut, ilatiamiusut russiskisullu
- Angorusutaasa ilagaat: sisorarnermi atugassanik piujuartutut pilersitaasunik atisaliortumik suliffeqarfimmik pilersitsinissaq
- Ukelelemik nipilersorsinnaavoq
- Annilaangaginerpaasaa: nuffasernissaq
Ukaleq piginnaanertussusai
- Angusassamik toraagalik
- Tunniusimalluartoq
- Aaqqissuilluartartoq
- Nutaanik pilersitsisinnaasoq
- Tamakkiisumik takunnilluarsinnaasoq
- Ilungersorluartoq
Ukaleq ukununnga pikkorippoq:
- Timip tusanaarnissaa
- Siunissaq ungasinnerusumi anguniaqalernissaq
- Sungiusarnissap pilersaarusiorluarnissaa
- Iganeq
- Timi tamaviarsortinnera
- Piffissami sivisuumi ukkatarinninneq
- CO2-mik atuinerup annikitsinnera
- Videot reels-inut TikTok-imullu atortussanngorlugit aaqqissorneri
- Photoshop amma lightroom atorlugu assinik suliaqarneq
- Erseqqissuliullaqqippoq
Nunarsuarmut anngussinnaaneq
Ukaleq inuit attaveqaqatigiittarfianni malinnaasoqarluartuuvoq, Facebook-mi Instagram-imilu 15.000-t sinnerlugit malinnaasoqarluni. Malinnaasut pingaarnertut nunatsinneersuupput, danmarkimeersuullutik, Norge, Tyskland mamma USA-meersuullutik.
Malinnaaffigigaanni soqutigisani: sisoraaserluni ooqattaasarneq, piniarneq, aalisarneq, titartaaneq, qalipaaneq, atuarneq, nerisassiorneq piujuartitsinerlu eqqartortarai. Ukaleq siammartigassanik pilersitsinermut siammarterinermullu pikkoreqaaq malinnaaffigalugulu nuanneqaluni.
Immaqa uffa tunisassiat oqariartuutilluunniit siammartissagaa? Ataani assit toorlugit inuit attaveqaqatigiittarfiani qupperneri alakkakkit:
Ukaleq siammartigassat siammartissavaa?
Pilerisaarinermi pilersaarusiorpit Ukalermut tulluarluarsinnaasut?
Soqutiginnippit tusagaqarusunneruillu? Taava attavigitigut!
