Maannguaq Pedersen

Maannguaq Pedersen – arnaq uummaarissoq pinngortitamut kulturitsinnullu asanninneqarujussuartoq.

Maannguaq UKALEQ PILLUGU QUPPERNERMI MAANI PAASISAQARNERUGIT:

Ilisarititsineq

Maannguaq Pedersen arnaavoq uummaarissoq pinngortitamut kulturitsinnullu asanninneqarujussuartoq.

Pinngortitamiinnissaq silamiinnissarlu nuannareqaa, piniarluni, umiatsiarluni snescootererlunilu. Ilaquttani kammalaatinilu qanigeqisani aamma ilagissallugit nuannarisuullugu, taakkununngalu piffissaq annertooq aamma atortarlugu.

Maannguaq Nuummi inunngorpoq, Nuummi Aasiannilu peroriartorsimalluni. Sisimiuni GU-mi atuarsimavoq taassumalu kingorna Odensemi ilinniariartoqqilluni bioanalytiker-itut naammassilluni. DIH-mi laboratorie-mi sulinini aallarnerpaa ullumilu Paarisami Isumaginninnermut Aqutsisoqarfinni sulisuulluni. Ukiut ingerlanerani peqqinnissaqarfimmi nerisallu tungaatigut misilittakkani annertusiartorlugit.

Pinngortitaq, Kulturi sunngiffimmilu aallutat

Maannguup inuunerani pinngortitarput qitiusuuvoq. Aasaanerani umiatsiartarpoq, tuttunniarluni, puisinniarluni illuaqqiorlunilu. Qaqqasiorneq pinngortitamilu pisuttuartarnerit aamma nuannareqai.

Kulturerput aamma soqutigisarilluinnarpaa, ilisimasat misilittakkallu alliartortillugit aamma. Assersuutigalugu ukiuni kingullerni puisip tuttullu amianik ammerineq aallutilersimavaa, nammineq pisami amerikkajuttarpai. Taakku saniatigut puisip amianik mersortarpoq soorlu kalaallisuunut atugassat, aanaminit ilinniartinneqaatigaluni.

Maannguup inuunerani timersorneq pingaaruteqartuaannarnikuuvoq. Meeraallunili assammik arsarneq aallutilersimavaa, kingusinnerusukkullu arsartalersimalluni. Ullumi fitness pinngortitamilu timersornissaq nuannaralugulu aalluppaa. Peqqissuseq salliuttuuaa, eqqarsartaatsikkut timikkullu. Ilaquttat kammalaatillu peqatigisarneri qujamasuutigisaqai, pinngortitami nukissanik katersinermut eqqissinermullu atorluartarlugu neqitorniaraangamilu neqilu nunatsinneersoq taamaallaat nerisarlugu, peqqissuseq piujuartitsinerlu eqqarsaatigalugit.

Maannguaq ammasuuvoq, inissaqartitsisoq ataqqinnittorlu. Inuttut suliffimmilu ineriartorneq inoqatillu peqatigineri nuannarisuullugit. Kulturitta ingerlateqqinnissaa anersaaqarfigivaa, inuunermilu misigisassat nutaat ujartortarlugit.

Maannguup pikkoriffii:

piniarneq
amermik mersorneq
ammerineq
umiatsiarneq
snescootererneq
pilersaarusiorneq aaqqissuinerlu
ajornartorsiutinik sukkasuumik aaqqiineq
suleqatigiinneq
erseqqissumik atassuteqarneq
naleqqussarneq
inoqatinut qanittuuneq
timersorneq
tunniutiinnannginneq

Soqutigisat:

Pinngortitaq: Umiatsiarneq, piniarneq, nunami pisunneq, qaqqasiorneq snescooterernerlu
Kulturerput: Ammerineq, amermik mersorneq, ileqqorisat atatiinnarnissai
Timersorneq: assammik arsarneq, arsarneq, fitness, pinngortitami timip atornissaa
Inuit peqatigineri: Ilaquttat kammalaatillu piffissaqarfigineri, inoqatit ataqqillugillu inissaqartinneri
Peqqinnartumik inooriaaseqarneq: Neqit nammineq pisat, timersorneq, eqqarsartaatsikkut peqqissuseq pinngortitaq atorlugu
Inuttut ineriartorneq: Unammillernartut nutaat, ilinniarneq, ineriartorneq misilittakkat aqqutigalugit

INSTAGRAM & TIKTOK

Maannguup siammartertagai uppernassuseqartut, ilisarnartut, illarnartut, kusanartut nuannersullu Instagram aamma TikTok-imi takuneqarsinnaapput.

Unneqqarissumik kinaassuseqarluartumik siammarterillaqqeqaaq, nunatsinnilu inuuneq najugaqarnerlu nuannerluinnartumik avammut takutittarlugu. Ilani peqatigigaangamigit siammartigai aqqutigalugit qanilaassuseq malunnartaqaaq.

Siammarteriffigisartagaasa assigiissusaat tassaavoq qisuariarluartoqartarnera, malinnaasuminut attaveqarluarnera ilisarnassusaalu.

Ataani siammarteriffigisartagai takukkit:

Maannguup siammartigassat siammartissavaa?

Pilerisaarinermi pilersaarusiorpit Maannguamut tulluarluarsinnaasut?